熟男熟女谈恋爱(上海话朗读)


熟男熟女谈恋爱(上海话朗读)

2020-05-24 20:57 来源:澎湃新闻·澎湃号·湃客

孙维陵 上海老底子

熟男熟女谈恋爱

作者:何菲

沪语改写、诵读:孙维陵

推荐:丁迪蒙

点击下方收听音频,时长7分09秒。

我常庄会写熟男熟女个海派情感故事。今年夏天即将出版一本关于海派情感个新书。朋友问我情感哪能介可以分得出海派、京派、岭南派、荆楚派……我表示,蛮难讲得清爽海派情感是啥个,但是大概晓得伊勿是啥个。

勒我看来,海派情感是丰盈、细緻、独立而又有缺陷个,还有零星个勿堪,缺陷往往连结灵魂个G点。伊个基础体温并勿高,露出水面个体积也勿夸张,但水面下头个体积却是无法估量个。勒显搭仔藏之间,有微妙个漂移。

拨自家搭对方以恰当个进退空间,爱得刚刚好,搿个是一种文化个自觉,也显示出伊拉对情谊个慎重搭仔珍惜。

有辰光,清雅到「欢喜侬,但我勿讲出来」,脑子坏脱个辰光也会得有「从来呒没拥有过侬一分钟,却勒勒心里失去了伊千万次」,寂寥、惆怅里向有得另外个一种充实,搿是勒心里向有另外一个人陪伴下头个清欢。

爱是啥?爱是祕密。成熟个伊拉总归勒勒等待一个可以拿微妙、眷恋、坦率跟豁达合併表达个时机,并且打算捕捉某种刚刚好个可能性,也因爲搿能,海派爱情是风致楚楚个。

伊拉往往并勿急于突破边境,有辰光还邪气享受平衡木一样个狭窄空间。勒细细叫个玩味当中,蕴藏勒海伊拉对美个期望。等到辰光搭情绪拨拉成一张满弓,再让最后一页慢慢而来个爱个肯定,势如破竹。

海派情感里有个关键词:懂。一个懂字,全部勒里向了,勿懂个人,是一头个雾水。对于彼此懂得个人,懂勿勒啥个地方,但又是无处勿在个,就像深水里作业,水面浪呒没痕迹,是心意相通、调性相近个男女个胜利。

搿搭个懂勿单单指浅表层次个「拎得清」,也包含勒卓越个读心能力、对弈能力、调情能力搭仔心理建设能力,尊重彼此个人生选择跟个体发展,路数清爽加37度情味,眼神交接之处,心有戚戚焉,尽显江南文化个细腻肌理搭仔国际大都会工商业文明个冷光泽。

伊拉勿仅仅用情,还善于用脑、用心,明白勿是所有个高峯侪值得去攀登,理解彼此只是凡俗当中个微尘,哪能介勒世界浪留下来一点痕迹个价值,再是更美妙个。

人生能够得以长恨、长忆个物事毕竟勿多,而要拿搿种情感搭遗憾谱写成作品,搿是多少爱啊。所以十分擅长勒各种複杂情况下头迅速寻到双方最合适个定位,以及最大个利益所在。

人世间个勿容易,每个人个版本侪勿同,啥地方来完美个生活,只要拿心稍作些调整,一切就会得好。

未了个陈年旧债,依然万里风怀。海派情感多半长情。

曾经有个上海男人,连续16个中秋节勒夜报个中缝刊登一首诗,缅怀伊逝去个女友。搿个仪式坚挺而绵长。

当然咾,长情里向必有深情,却未必代表专情,尤其是男人。所以一方多数勿会从一而终,而另外一方倒也并呒没介容易脱身。

熟男熟女谈恋爱,勿管结局哪能,侪蛮少会得喇叭腔个。得体是品格个输出,背后是对人生大道搭世俗智慧个洞察搭仔经营。

(作者近照)

(朗读者近照)

来源:「吴越小猪」公衆号

「上海话朗读」热文

☊ 烧卖

☊ 阿二头,汏浴唻 !

☊ 上海人勿怕「烫手山芋」

☊ 「闷」勒屋里向做点啥?

☊ 旧上海个商业特色街

☊ 春彦来电

☊ 爱神花园

☊ 「老上海」祝嘉铭个硬核人生

☊ 油氽果肉长生果

☊ 上海老街

☊ 两场「好戏」

☊ 一年不打仗

☊秤良心

☊一根筋

☊娘两家头

☊换了一只大冰箱

上海老底子

每天爲侬送上精彩文章一组

打开尘封的记忆,寻觅往昔的岁月

叙上海老底子事

忆上海老底子人

诉上海老底子情

以史明志,以啓未来

原标题:《熟男熟女谈恋爱(上海话朗读)》

阅读原文

关键词 >> 湃客

特别声明

本文爲澎湃号作者或机构在澎湃新闻上传并发布,仅代表该作者或机构观点,不代表澎湃新闻的观点或立场,澎湃新闻仅提供信息发布平台。申请澎湃号请用电脑访问http://renzheng.thepaper.cn。

相关推荐

评论()

© 版权声明
THE END
喜欢就支持一下吧
点赞55 分享
评论 抢沙发
头像
欢迎您留下宝贵的见解!
提交
头像

昵称

取消
昵称表情代码图片